اشياء الناس مش غنيمه

بقلم / رمزي الجابري
الخميس 11 ديسمبر 2025

الي حاصل اليوم من نهب بيوت الناس والمستضعفين والدخول عليهم بحجة الظروف الامنيه ماهو شرف ولا هو غنايم هذا شي دخيل علينا

وعلى حضرموت وشي يوجع القلب ويهز كل قيم اهل حضرموت اللي تربوا على النخوه والكرامه وحفظ حق الناس الحضارم ما عمرهم تربوا
على كسر باب بيت ولا على استغلال
انسان موجوع ولا على دخول بيت ناس ضعاف هذي عادات ما هي منا ولا من تربيتنا واللي يسويها يكون ماشي بطريق غريب عن اصله مهما حاول يبرر الوضع صعب والناس متضايقه بس هذا ما يعطي احد رخصه ياخذ شي مو حقه ولا يطمع في بيت جاره ولا يتصرف تصرف يجيب العيب العيب عند الحضارم كان يهز رجال وما يسمح لهم يمدو يدهم على بيت ما هو لهم والمؤلم ان الناس صارت تخاف وبيوت كثيرة تعيش على قلق ما عاد لهم امان وحضرموت ارض معروفه بالامان وبالرجال اللي يحمون بعض مو ينهبون بعض الرساله واضحه الحضارم ما يعرفو النهب ولا يعرفو استغلال الناس ولا يعرفو كسر البيوت واللي يخون هذي القيم ما يعبر عن حضرموت ولا عن اهلها والحين وقت نوقف وقفه رجال ونقول للغلط غلط ونحافظ على ما بقي من النخوه ونرجع نرفع راس حضرموت مثل ما كانت دائما عالية بين كل الناس
الظروف صعبه صح والناس متضايقه صح بس ماهو مبرر انك تاخذ شي ماهو لك او تطمع في بيت جارك او تتصرف على كيفك بحجة ان الوضع يسمح الوضع ما يعطيك رخصه تكون غريب عن اصلك ولا يعطيك عذر تكسر قيم تربينا عليها من سنين طويله والمؤلم اكثر ان البعض يحاول يبرر يقول لك كل الناس تسوي كذا او يقول هذا زمن مصالح لا يا اخي مو كل الناس تسوي ولا الزمن يجبرك تكون قليل اصل العيب عندنا اكبر من كل هذا والعار يمشي مع الانسان لين يموت

والنهايه نقول الغنيمه هي اخلاقك وقيمك مش حق الناس واللي يفهم هالكلمه يعرف ان الرجوله ما تنقاس بحجم اللي تاخذه من غيرك بل بحجم اللي تحفظه وتصونه وتتركه لوجه الله