وين تروح الإيرادات؟
كتب / الحسين باشامخه
الخميس 26 يونيو 2025
البلد تمر بظروف صعبة وخانقة، والأسعار ترتفع من كل جهة: الصرف ، الوقود، المواد الغذائية… وكل شي قاعد يضغط على المواطن اللي ما عاد يلاحق.
لكن المشكلة الأكبر مش في الغلا بس، المشكلة في الإيرادات… الإيرادات اللي المفروض تعيش منها الدولة وتدفع رواتب الناس وتخدم المواطن، صارت اليوم لغز كبير ما حد يعرف وين تروح!
المصيبة إن اللي ماسكين الإيرادات هم نفسهم اللي يشتكوا منها، يقولوا ما فيش دخل، ما فيش ميزانية، لكن رواتبهم ماشية، وحوافز هم وامتيازاتهم ما نقص منها شي!
طيب فين تروح الفلوس؟!
ليش المواطن هو اللي يتحمّل كل شي؟
صاروا كل شوية يرفعوا سعر الصرف، يزيدوا أسعار المشتقات، يضغطوا على السوق بحجة إنهم يحتاجوا إيرادات عشان الرواتب!
طيب ليش ما تبدأوا بأنفسكم؟ ليش ما تشدوا الحزام من فوق؟ بدل ما كل الضغط ينزل على رأس المواطن اللي أصلاً ما بقي فيه نفس!
كلنا نعرف إن الإيرادات هي عصب الحكومة، وإذا راحت في غير مكانها، ما راح تمشي أمور البلد أبدًا، لا خدمات، ولا رواتب، ولا حتى أمان.
إذا استمرت الأمور كذا، ما حد بيتحمل أكثر… والناس تعبت. وساكتة، بس ما أحد يضمن إلى متى.
ونرجع نكرر ونسأل ونقول وين تروح الإيرادات؟
